أنا كأستاذ تعليـم ثانوي نحضر في القسم في كامل اناقتي ونظافة هندامي ولباقته واحترامه .و نقوم بواجبـي المهني على أحسن وجه و ربي هو العـالم.. و ماعنديش مزية على تلامذتي .اتوجه بالنداء لتلامذتي والاولياء متاعهم …بمناسبة العودة المدرسية .. الماكياج لا الظوافر و الشوافر و الشنافر المركبة لا .. السراول المڤطعـة لا ..الشعورات الطويلة والمشعشطة لاالشعر المهدور تڤول الجازية مخبلة في شعورها لا..
أنا سيد قسمي و من واجبي وحقي نفرض الانضباط،… وبربي نداء لمناصري حقوق الهندام و الحريات الشخصية ياريت تعاونونا بسكاتكم خاطر كل عام نعانوا من هاو فلان ڨال هذي حرية شخصية وفلانة ڤالت البسوا كيف ماتحبوا المهم تقروا على رواحكم..لا ياسيدي أنا مانيش ڤاعد في وطية و الا بدو حنة .. لباسك حرية شخصية مارسها خارج حدود المؤسسة ..ويعيشكم ياأولياء ..اكبسوا على اولادكم و بناتكم راهو الدلال يخلف الهبال..و السلام عليكم و رحمة الله تعالى و بركاته..بربي اكبسو شويا على صغاركم علموهم الاحترام الأستاذ متاعهم راهو ميجيش هيا واستاذها كلمة بكلمه كنا في جيلنا كي يدخل الأستاذ كلها تاقف وتبدا خايفة كان محظرتش ولا مكش حافظه يهديكم نصيحه الأولياء تعملو اكبر مزيه