كشف منتصر ساسي مراسل إي أف أم في نابل اليوم الثلاثاء 20 سبتمبر 2022، خلال مداخلة هاتفية في برنامج في 90 دقيقة على إي أف أم، تفاصيلا تتعلق بإيقاف صاحب وكالة أسفار بالجهة على خلفية ملف التسفير إلى بؤر التوتر.

وقال ساسي:” نهار الأحد في الفجر جات فرقة مكافحة الإرهاب عملو مداهمة أمنية لدار السيد وين تم حجر العديد من الوثائق في دارو ولا في الوكالة اللي على ملكو… مصادرنا الأمنية أكدت أن إيقافو كان على خلفية المشاركة متاعو السلبية وإلا الإيجابية في تسفير عدد كبير من الشباب خاصة وأنو السيد هذا كان معروف من الموالين للقيادات الكبيرة اللي هاربة البرة واللي مازلنا ما نعرفوش مصيرها شنوة من الحركات المتطرفة في الجهة في ولاية نابل وكان يمثلها هو وكان الذراع الأيمن ليه، كان يمثل أبو عياض في فترة من الفترات في ولاية نابل…

السيد كان يخدم في معمل، ماكانش عندو الثراء اللي عندو توة سيارات فخمة ومنازل فخمة، كل المؤشرات حسب المصادر الأمنية، أنتو العائدات المالية الكبيرة برشا اللي وصلتو من خلال عمليات التسفير إلى بؤر التوتر وهو اللي خلاه يملك الأموال هاذيا”

اترك تعليقاً

لن يتم نشر عنوان بريدك الإلكتروني.

error: Content is protected !!