هذايا احمد متحصل على الاستاذية والماجستير في الرياضيات من متساكني جبال كاب النيقرو “خرقالية ” نفزة……من عمرو 6سنين يقوم يوميا 3متاع الصباح باش يوصل يقرا يشق جبولات كلها حيوانات مفترسة يستغرق مشي على الاقدام اكثر من ساعتين *وكيف نقول يمشي على ساقو اكثر من ساعتين مانيش نبالغ ثم اصدقاء وزملاء على صفحتي ولاد وبنات بلادي يعرفو هذا *..اتخيل انت طفل صغير يمشي يوميا في الظلام المسافة لكل شتاء وخريف وربيع….وفي غابة وجبل واعر و ……

حط في قلبو وتحدا كل شيء وقرا على روحو وكان من التلامذة الممتازين والاوائل والناس لتعرفو لكل يضربو بيه في المثل في التربية والاخلاق …وربي يعلم بيه اش تعدا على راسو….ظروف عايلتو الاجتماعية صعيبة بدرجة ماتتوصفش على الاخير امو وبوه بالعربي يشوفو فيه وفي ربي …….والحمد لله كبر وتحدا الظروف القاسية ليعجز واحد باش يحكي عليها بالظبط حط في قلبو وصنع مالضعف قوة وتحصل على الاستاذية وبعد الماجستير حسب علمي ……حاول يفركس على خدمة شيء …ساقو حفت مسكين ولى أيس رجع لمسقط راسو …ومشى صب ملفو في مندوبية التربية ثماشي ميقبلوه معوض …في النيابات وقعد يستنى في الرد على امل ترحمو البلاد الكلبة .. ……وكيف العادة كيف روح لدارهم مينجمش يبق مكتف ايدو وامو وبوه ظروفهم صعيبة مشى للجبل ينحي في البندق مسكين يحصلشي كلغ وايلا 2…باش يعاون امو وبوه واخواتو …..

تعرف اش معناها شجرة بندق عالية في السماء توصل 10م وايلا اكثر…. ومتطلع شجرة وتهبط منها مكان روحك تطلع…..وهو يجاهد لاخر دقيقة مسكين ويستنى في رحمة ربي وثماشي مترحمو البلاد…….. ويقبلوه حتى معوض ويحسن ظروف دارهم لكن للأسف طاح من الشجرة ومات في الجبل وحدو ومالقى حد يسعفو ان شاء الله في الجنة ياربي و ربي يرحمو ويصبر عايلتو شيء يقطع القلب

اترك تعليقاً

لن يتم نشر عنوان بريدك الإلكتروني.

error: Content is protected !!