بسبب ارتدائه جبة تونسية خضراء اللون .. الفنان الملتزم لزهر الضاوي يتوجه برسالة الى الفنان الكبير لطفي بوشناق -*

” الجبة الخضرة”*-صحة..صحة يا “بوشناق”..”الجّبّة الخضرة” واتاتك..!!وقْبَلْها “البنفسجية”..و”الحمراء”… لتوّة مانساتك.!!ووين تدور الريح تدور..وانت مع أيّ “دستور”..؟!!تنام على أعتاب القصور..”تناشد” ديمة طول حياتك..؟!!”من عين الحاسد يحميك”..؟!وجميع المِسارح ليك..افلَى في “رزق البايليك”..مادام الوزارة حبّاتك..؟!!وانت راك ديمة “محبوب”..مع كل حْكومة مرغوب..!!خاطر انت فهمت “اللعبة”..و”اللعبة” زادة فهماتك..!!”صالح لكل زمان”..!”صالح لكل مكان”..!والبيعة تبديل ألوان..و”التبديلة”.. ما كاداتك..!؟!صحة..صحة يا “بوشناق”..”الجبة الخضراء” واتاتك..!!!

اترك تعليقاً

لن يتم نشر عنوان بريدك الإلكتروني.

error: Content is protected !!