رسالة تلميذ:”” عسلامة انا نحب نحكيلكم الحكاية لي صارتلي في العام لي حبيت نفرح فيه عايلتي … انا تلميذ باك انفو نقرا في معهد محمود المسعدي بحي التضامن فقت نهار résultat وكنت متأكد إلي أنا Admis اذاكا علاش قصدت ربي ومشيت نخدم على روحي مع حكاية التسعة.. جاني الميساج و التاليفون ماكانش عندي،، تلفت لأختي قلتها “شنيا بmention؟” ياخي قتلي ” لا راك contrôle” ماللول قلت باز طايح في matière principale و الله غالب ما جبتش فاها.. لكن الصدمة كانت وقت حليت الميساج ؛ نلقى روحي غايب على مادة أنا حاضر فاها بشهادة التلامذة و حتى مدير المعهد و الأساتذة لي عسوا عليا و en plus انا وصلتني معلومة لي انا جايب 20 في المادة هاذي ( ساعات يسيبولنا أعداد الpratique ) منغير منحكي على sport لي جايب فيه 18 و حاطلي ***..

الحكاية و مافاها أنا كنت في معهد محمود المسعدي أول العام و بعد نقلت لليسي حي إبن خلدون بعد رجعت لمعهد محمود المسعدي.. كي جاني الإستدعاء متاع المناظرة ماللول جاني في زوز ليسيات ياخي أنا مشيت عديت في المسعدي اذاكا علاش حسبولي note متاع غياب ليسي إبن خلدون .. قررت نتبع الحكاية بالقانون،، وقت مشيت للوزارة قالوا انو لازمني نستنى والكنترول يبدى نهار التلاث .. هوما فسدوا عليا فرحة عام تعبت فيه برشا برشا في نهار كنت مستنيه..

اليوم أنا متأكد لأن صحيح أما الأهم انا نحب إعتذار رسمي من المندوبية لعائلتي وخاصة أمي لي ما زغرتتش ومفرحتش بولدها في نهار كيما البارح واحد مالناش نقول حسبي الله ونعم الوكيل فسدتوا عليا فرحة بغلطة متع عدم مسؤولية..

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

error: Content is protected !!